Moskvaning «Spartak» klubi himoyachisi Lukas Ayrton ismi «Formula-1» musobaqasida halok bo‘lgan Ayrton Sennaning sharafiga qo‘yilganini aytib o‘tdi.

— Sizning ismingiz 25 yil avval «Formula-1» poygasida halok bo‘lgan Aytronning sharafiga qo‘yilganmi?

— Ha, otam menga Ayrton emas balki Ayrton Senna deb ism qo‘ymoqchi bo‘lgan! U shu darajada poygani sevgan. Biroq, onam bunday ism qo‘yilishiga qarshilik qilgan va ular o‘zaro maslahatlashib, menga Ayrton Lukas deb nom berishgan.

— Tezlik — bu sizning maydondagi ustunligingiz. Poygachining ismi ta’sir qiladimi?

— Braziliyada ham mana shu mavzu bo‘yicha hazil qilishgandi. Lekin, to‘g‘risini aytganda, Senna ismi bilan juda faxrlanaman. Braziliyada bu ismni ulug‘lashadi! Uning sportdagi hurmatini cheki yo‘q edi.

— O‘zingiz poyga bilan shug‘ullanmaysizmi?

— Tomosha qilishni sevaman, biroq hech qachon shug‘ullanmaganman. Mening mashinam poygada qatnashadigan mashina emas. Yuqori tezlikni faqat yugurish yo‘lakchasida amalga oshiraman(kuladi).

Senna uch karra «Formula-1» chempioni hisoblanadi. Braziliyalik poygasi 1994 yili San-MarinoGran-prisida avtohalokatga uchrach vafot etgan.