Москванинг «Спартак» клуби ҳимоячиси Лукас Айртон исми «Формула-1» мусобақасида ҳалок бўлган Айртон Сеннанинг шарафига қўйилганини айтиб ўтди.

— Сизнинг исмингиз 25 йил аввал «Формула-1» пойгасида ҳалок бўлган Айтроннинг шарафига қўйилганми?

— Ҳа, отам менга Айртон эмас балки Айртон Сенна деб исм қўймоқчи бўлган! У шу даражада пойгани севган. Бироқ, онам бундай исм қўйилишига қаршилик қилган ва улар ўзаро маслаҳатлашиб, менга Айртон Лукас деб ном беришган.

— Тезлик — бу сизнинг майдондаги устунлигингиз. Пойгачининг исми таъсир қиладими?

— Бразилияда ҳам мана шу мавзу бўйича ҳазил қилишганди. Лекин, тўғрисини айтганда, Сенна исми билан жуда фахрланаман. Бразилияда бу исмни улуғлашади! Унинг спортдаги ҳурматини чеки йўқ эди.

— Ўзингиз пойга билан шуғулланмайсизми?

— Томоша қилишни севаман, бироқ ҳеч қачон шуғулланмаганман. Менинг машинам пойгада қатнашадиган машина эмас. Юқори тезликни фақат югуриш йўлакчасида амалга ошираман(кулади).

Сенна уч карра «Формула-1» чемпиони ҳисобланади. Бразилиялик пойгаси 1994 йили Сан-МариноГран-присида автоҳалокатга учрач вафот этган.