Angliyaning «Liverpul» klubi hujumchisi Muhammad Saloh Moxammed APLning 12-tur doirasida «Manchester Siti» klubiga qarshi bo‘ladigan uchrashuv haqidagi fikrlari bilan o‘rtoqlashdi.
— Chempionlik poygasi endi boshlanmoqda. Agar ushbu o‘yinda ijobiy natijani qo‘lga kiriti olmasak, u holda bizda jiddiy muammo paydo bo‘ladi. Agar g‘alaba qozonsak ham, hali oldimizda uzun yo‘l bor. Hali chempionlik haqida gapirishga erta, — dedi 27 yoshli Misrlik futbolchi.
Eslatib o‘tamiz, yakshanba kuni «Liverpul» o‘z maydonida «Manchester Siti» klubini qabul qiladi.