Rossiyaning «Lokomotiv» va «Rostova» klublari sobiq bosh murabbiyi Leonid Kuchuk xizmatlariga Xitoyning «Beyszin Goan» klubi qiziqish bildirmoqda.

Manbaning tarqatgan xabariga qaraganda, belorussiyalik mutaxassis qishda Xitoyga yo‘l oladi.

— «Beyszin Goan» klubi rahbariyati jamoaning natijalari salbiy bo‘lgan taqdirda Kuchukni jamoaga olib kelishi mumkin. «Beyszin Goan» klubi oldida mamlakat chempionligini qo‘lga kiritish vazifasi turibdi. Agar ushbu vazifa uddalanmasa, u holda jamoani Leonid Kuchuk boshqaradi, — dedi manba.

60 yoshli mutaxassisning o‘zi esa ushbu xabar haqida izoh bermasligini aytdi.

— Bu taklif haqida hech narsa eshitganim yo‘q. Shu bois bu boradi sizga hech narsa ayta olmayman, — dedi Kuchuk.

«Beyszin Goan» klubi chempionat yakunlanishiga 3 tur qolgan ayni pallada turnir jadvalining uchinchi pog‘onasini band etib turibdi. «Guanchjou» klubi esa ikki ochko ko‘p jamg‘argan holda turnir jadvalini boshqarib bormoqda.