Angliya futbol federasiyasi (FA) «Manchester Siti» yarim himoyachisi Bernardu Silva Tvitter orqali jamoadoshi Benjamin Mendining ustidan hazil qilgani uchun jazolandi.
Silva bitta o‘yinda diskvalifikasiya qilindi. Shuning uchun 50 ming funt miqdorida jarima to‘laydi.
Portugaliyalik futbolchi 22 sentyabr kuni Tvitterdagi sahifasi orqali Mendining bolalikdagi surati hamda Ispaniyaning Conguitos kompaniyasining shokolad odam shaklidagi logotipini yonma-yon joylashtirib: "Toping, bu kim?", deya yozgan edi.
Angliya futbol assosiasiyasi esa Silvaning tvitini "haqoratli" va "yo‘l qo‘yib bo‘lmas" deya baholadi. FA fikricha, futbolchi bu orqali irqchilik sodir etgan. Keyinchalik Bernardu bu suratni o‘chirib tashladi va: «Bizning zamonda do‘sting bilan ham hazillasha olmaysan», deya izoh berdi.
«Manchester Siti» bosh murabbiyi Xosep Gvardiola esa Silva va Mendi o‘zaro do‘st ekani va ular doimo bir-birlari bilan hazillash turishlarini aytib o‘tgan edi.
