Англия футбол федерацияси (FA) «Манчестер Сити» ярим ҳимоячиси Бернарду Силва Твиттер орқали жамоадоши Бенжамин Мендининг устидан ҳазил қилгани учун жазоланди.
Силва битта ўйинда дисквалификация қилинди. Шунинг учун 50 минг фунт миқдорида жарима тўлайди.
Португалиялик футболчи 22 сентябрь куни Твиттердаги саҳифаси орқали Мендининг болаликдаги сурати ҳамда Испаниянинг Conguitos компаниясининг шоколад одам шаклидаги логотипини ёнма-ён жойлаштириб: "Топинг, бу ким?", дея ёзган эди.
Англия футбол ассоциацияси эса Силванинг твитини "ҳақоратли" ва "йўл қўйиб бўлмас" дея баҳолади. FA фикрича, футболчи бу орқали ирқчилик содир этган. Кейинчалик Бернарду бу суратни ўчириб ташлади ва: «Бизнинг замонда дўстинг билан ҳам ҳазиллаша олмайсан», дея изоҳ берди.
«Манчестер Сити» бош мураббийи Хосеп Гвардиола эса Силва ва Менди ўзаро дўст экани ва улар доимо бир-бирлари билан ҳазиллаш туришларини айтиб ўтган эди.
