Juma kuni “Bavariya” tarixida yana bir voqea sodir bo‘ldi — klub prezidenti Uli Xyoness egallab turgan lavozimini tark etdi. Direktorlar kengashining yillik yig‘ilishida prezident qarsaklar bilan kutib olindi. 67 yoshli Xyoness nutqi davomida ko‘z yoshlarini tiya olmadi... “Bavariya” klubining yangi prezidenti etib Gerbert Xayner saylandi.
Avvalo, Xyoness 27 yoshida klubga qanday qilib rahbarlik lavozimiga kelganini esladi. U Bundesliga tarixidagi eng yosh menejer edi.
«Bizda Karl-Xayns Rummeniggening borligi omadimiz edi, sal bo‘lmasa uni «Milan» klubiga sotib yuborar edik! Biz hech qachon aqldan ozgan ishlar qilmaganmiz va ko‘pincha futbolni muvaffaqiyatli o‘ynaganmiz. Muxlislarimiz har doim o‘z stadionlari bo‘lishini orzu qilishgan va biz bu orzuni amalga oshirganmiz. Biz “Bavariya”ga munosib prezident bo‘ladi oladigan Gerbert Xaynerni topdik. Sizning 50 yillik qo‘llab-quvvatlashingiz uchun barchangizdan minnatdorman! Bu ajoyib damlar edi. Tamom. Men tugatdim», — Xyonessning so‘zlaridan iqtibos keltirmoqda«Bavariya» klubi matbuot xizmati.