Жума куни “Бавария” тарихида яна бир воқеа содир бўлди — клуб президенти Ули Хёнесс эгаллаб турган лавозимини тарк этди. Директорлар кенгашининг йиллик йиғилишида президент қарсаклар билан кутиб олинди. 67 ёшли Хёнесс нутқи давомида кўз ёшларини тия олмади... “Бавария” клубининг янги президенти этиб Герберт Хайнер сайланди.
Аввало, Хёнесс 27 ёшида клубга қандай қилиб раҳбарлик лавозимига келганини эслади. У Бундеслига тарихидаги энг ёш менежер эди.
«Бизда Карл-Хайнц Руммениггенинг борлиги омадимиз эди, сал бўлмаса уни «Милан» клубига сотиб юборар эдик! Биз ҳеч қачон ақлдан озган ишлар қилмаганмиз ва кўпинча футболни муваффақиятли ўйнаганмиз. Мухлисларимиз ҳар доим ўз стадионлари бўлишини орзу қилишган ва биз бу орзуни амалга оширганмиз. Биз “Бавария”га муносиб президент бўлади оладиган Герберт Хайнерни топдик. Сизнинг 50 йиллик қўллаб-қувватлашингиз учун барчангиздан миннатдорман! Бу ажойиб дамлар эди. Тамом. Мен тугатдим», — Хёнесснинг сўзларидан иқтибос келтирмоқда«Бавария» клуби матбуот хизмати.