Бокс бўйича собиқ жаҳон чемпиони Флойд Мейвезер Португалия терма жамоаси ҳужумчиси Криштиану Роналдуга ўз сўзларини йўллади.

Жаҳон чемпионати-2026нинг 1/8 финалида Португалия Испанияга мағлуб бўлиб, турнирни тарк этди. 41 ёшли Роналду бу унинг фаолиятидаги сўнгги ЖЧ эканини маълум қилди.

«Биродарим, сени ажойиб фаолият ва эришган барча ютуқларинг билан табриклайман. Футбол учун қилган ишларинг ҳеч қачон унутилмайди. Сен бутун дунё бўйлаб миллионлаб инсонларни руҳлантирдинг ва бу спорт турини бутунлай ўзгартирдинг.

Кўп йиллар давомида кўрсатган меҳнатинг, интизоминг, барқарорлигинг ва буюклигинг — афсоналар мана шундай дунёга келади. Бу спортга тақдим этган барча нарсанг учун сенга катта ҳурмат билдираман. Бундан кейинги ишларингда фақат муваффақиятлар тилайман. Шундай буюк бўлиб қол, чемпион. Сен ўз номинг билан боғлиқ ҳар бир ҳурмат сўзига лойиқсан.

Ҳар доим севги ва ҳурмат билан, Флойд», — деб ёзди Мейвезер ижтимоий тармоқларда.