Boks bo‘yicha sobiq jahon chempioni Floyd Meyvezer Portugaliya terma jamoasi hujumchisi Krishtianu Ronalduga o‘z so‘zlarini yo‘lladi.

Jahon chempionati-2026ning 1/8 finalida Portugaliya Ispaniyaga mag‘lub bo‘lib, turnirni tark etdi. 41 yoshli Ronaldu bu uning faoliyatidagi so‘nggi JCH ekanini ma’lum qildi.

«Birodarim, seni ajoyib faoliyat va erishgan barcha yutuqlaring bilan tabriklayman. Futbol uchun qilgan ishlaring hech qachon unutilmaydi. Sen butun dunyo bo‘ylab millionlab insonlarni ruhlantirding va bu sport turini butunlay o‘zgartirding.

Ko‘p yillar davomida ko‘rsatgan mehnating, intizoming, barqarorliging va buyukliging — afsonalar mana shunday dunyoga keladi. Bu sportga taqdim etgan barcha narsang uchun senga katta hurmat bildiraman. Bundan keyingi ishlaringda faqat muvaffaqiyatlar tilayman. Shunday buyuk bo‘lib qol, chempion. Sen o‘z noming bilan bog‘liq har bir hurmat so‘ziga loyiqsan.

Har doim sevgi va hurmat bilan, Floyd», — deb yozdi Meyvezer ijtimoiy tarmoqlarda.