Shvesiya terma jamoasi hujumchisi Aleksander Isak Ruminiya terma jamoasi muxlislaridan irqchilikka oid so‘zlar eshitganidan unchalik xafa bo‘lmaganini aytib o‘tdi.
— Maydonga chiqqanimda tribunadan bir necha marta irqchilikka oid so‘zlar eshitdim. Hakamdan bu haqda eshitganini so‘raganimda, u eshitmaganini aytdi. Biroq, bir necha daqiqalardan so‘ng hakam o‘yinni to‘htatdi. Biz ushbu vaziyatni uncha ko‘p muhokama qilmadik va o‘yinni davom ettirdik. G‘alaba qozonganimizdan juda xursandman. Albatta, vaziyat yoqimsiz, ammo, bularning bari odatiy. Bundan narsalar menga salbiy ta’sir ko‘rsatishiga yo‘l qo‘yman. Ularga e’tibor bermagan yaxshi. Bunday ahmoqlarni hamma joydan topish mumkin. Ularga e’tibor bermagan ma’qul, — Isakning so‘zlaridan iqtibos keltirmoqda AFP.