Швеция терма жамоаси ҳужумчиси Александер Исак Руминия терма жамоаси мухлисларидан ирқчиликка оид сўзлар эшитганидан унчалик хафа бўлмаганини айтиб ўтди.
— Майдонга чиққанимда трибунадан бир неча марта ирқчиликка оид сўзлар эшитдим. Ҳакамдан бу ҳақда эшитганини сўраганимда, у эшитмаганини айтди. Бироқ, бир неча дақиқалардан сўнг ҳакам ўйинни тўҳтатди. Биз ушбу вазиятни унча кўп муҳокама қилмадик ва ўйинни давом эттирдик. Ғалаба қозонганимиздан жуда хурсандман. Албатта, вазият ёқимсиз, аммо, буларнинг бари одатий. Бундан нарсалар менга салбий таъсир кўрсатишига йўл қўйман. Уларга эътибор бермаган яхши. Бундай аҳмоқларни ҳамма жойдан топиш мумкин. Уларга эътибор бермаган маъқул, — Исакнинг сўзларидан иқтибос келтирмоқда AFP.