Italiya terma jamoasi darvozaboni Janluidji Donnarumma terma jamoasining Yevro-2020 saralash bosqichidagi 100 foizli natijasi haqida gapirib o‘tdi. Italiya terma jamoasi o‘tkazilgan 9 ta uchrashuvning barchasida g‘alaba qozondi.
— Oson bo‘lmasligini bilardik, ammo, o‘zimizning yorqin o‘yinimizni ko‘rsatib, kerakli bo‘lgan natijani qo‘lga kiritdik. Biz har doim murabbiyimizga va o‘zimizga ishondik. Bizda yaxshi jamoa borligini va g‘alaba qozona olishimizni bilardik, Yevropa chempionatida ham g‘alabali seriyamizni davom ettirishni xohlaymiz. Raqibga yetarlicha qarshilik ko‘rsata oladigan ajoyib tarkibimiz bor, — dedi Donnarumma Football Italiaga bergan intervyusida.