LVMH kompaniyasi prezidenti Bernar Arno Italiyaning «Milan» klubini 1 milliard yevroga sotib olishi mumkin.
Arnolar oilasi ushbu ma’lumotni bir necha marotaba rad qilishiga qaramasdan, italiya matbuot ushbu kelishuv haqida yozishdan to‘htamayapti. Sentyabr oyi oxirlarida kompaniya xo‘jayining o‘g‘li Antuan Arno bunday mish-mishlar haqiqatga to‘g‘ri kelmasligini bir necha marotaba aytib o‘tgan edi.
Hozir Corriere dello Sport, Tuttosport, La Repubblica va Corriere della Sera kabi nashrlarning yozishicha fransiyalik biznesmen «Milan» rahbariyati bilan ushbu jarayon ustida muzokara olib bormoqda. “Milan” klubining narxi 960 milliondan 1 milliardevrogacha baholanmoqda.
LVMH kompaniyasi Louis Vuitton, Christian Dior, Givenchy va yana bir qator brendlarga egalik qiladi.
Italiyaning «Milan» klubi ayni paytda turnir jadvalining 14-pog‘onasini band etib turibdi.