Belgiya terma jamoasi bosh murabbiyi Roberto Martines Rossiya terma jamoasiga qarshi (1:4) bo‘lib o‘tgan uchrashuv haqidagi fikrlari bilan o‘rtoqlashdi.
"Bugungi uchrashuvi biz uchun sinov bo‘ldi, — uning so‘zlaridan iqtibos keltirmoqda “SE”. — O‘yin qiyin bo‘lishini bilardik. Rossiyaga faqat g‘alaba kerak edi. Shu bois o‘yin boshidan maydon egalari hujumga otlanishdi va bir qator vaziyatlar sodir etishdi. Ammo biz bu vaziyatdan yaxshi chiqib ketdik. Birinchi bo‘limni juda zo‘r o‘tkazdik. Ikkinchi bo‘limda to‘pni raqibga topshirib qo‘ydik, lekin bu bilan jamoamni tanqid qilish fikridan yiroqman. Umuman olganda qoniqdim".













