Kataloniyaning «Barselona» klubi hujumchisi Lionel Messi jamoa bilan shartnomasini yangilashga yaqin turibdi.
«Barselona» klubi sport direktori Erik Abidalning tasdiqlashicha, argentinalik futbolchi jamoa bilan yangi shartnoma borasida muzokaralarni boshlagan.
«Tomonlar muzokaralarni boshladi. Yaqin soatlar ichida yangilik bo‘lib qolishini bilmayman. Chunki, bu futbolchiga bog‘liq. Lekin, klub uchun bu ish imkon qadar tez va ijobiy amalga oshishiga umid qilaman», - dedi Abidal Mundo Deportivo nashriga.