Каталониянинг «Барселона» клуби ҳужумчиси Лионель Месси жамоа билан шартномасини янгилашга яқин турибди.
«Барселона» клуби спорт директори Эрик Абидальнинг тасдиқлашича, аргентиналик футболчи жамоа билан янги шартнома борасида музокараларни бошлаган.
«Томонлар музокараларни бошлади. Яқин соатлар ичида янгилик бўлиб қолишини билмайман. Чунки, бу футболчига боғлиқ. Лекин, клуб учун бу иш имкон қадар тез ва ижобий амалга ошишига умид қиламан», - деди Абидаль Mundo Deportivo нашрига.