Bolgariya terma jamoasi sardori Ivelin Popov terma jamoadagi halqaro faoliyatini yakunlaganini e’lon qildi.
Popov Chexiya terma jamoasiga qarshi Yevro-2020 saralash doirasida bo‘lib o‘tgan o‘yindan keyin bu haqda ma’lum qildi.
«Bu mening 90-o‘yinim bo‘ldi. Terma jamoada 12 yil to‘p surdim. Yevropa chempionati final bosqichiga chiqa olmaganimizdan so‘ng, yoshlarga o‘rin bo‘shatish kerak ekanligini angladim. Yoshim 32da va bor e’tiborimni «Rostov» klubiga qaratishim kerak. Sakkizta murabbiy qo‘l ostida terma jamoa sardori bo‘ldim. Qiyin yo‘llarni bosib o‘tdim va yakunlash kerakligini o‘zimga o‘zim aytdim. Endi men Bolgariya terma jamoasining eng sodiq muxlisi bo‘laman», – dedi Popov “Rostov” klubi matuot xizmatiga.