“Metallurg” - “Dinamo” o‘yinidan keyin “Dinamo” jamoasi bosh murabbiy yordamchisi Rafael Balasanyan o‘yin borasida o‘z fikrlarini aytdi.

“Birinchi taymda yigitlar himoyada juda ishonchli o‘ynashdi. Bizda hisobda oldinga chiqib olish imkoniyatlari ham bo‘ldi. Afsuski, mana nechanchi o‘yindirki, birinchi golni o‘tkazib yuborganimizdan keyin futbolchilarimiz ruhan tushkunlik iskanjasiga tushib qolishmoqda. Bu esa himoya chizig‘ida parokandalik yuzaga kelishiga sabab bo‘lyapti. Shuning bois ketma ket mag‘lubiyatlarni qabul qilib olyapmiz. Ehtimol bugun biz birinchi bo‘lib muvaffaqiyatga erishganimizda o‘yin boshqacha kechardi. Albatta bu vaziyatlarda Aleksandr Lobanovning ajoyib o‘yin ko‘rsatganligini ta’kidlash kerak. Bizda esa Botirali Ergashev jarohatlandi. Hozircha bilganim, u o‘zi yura olmayapti. Shifokorlarimiz birinchi tibbiy yordamni ko‘rsatishdi. Umid qilamizki, keyingi o‘yinlargacha uni safga qaytara olamiz”, – deydi Balasanyan.