Coca Cola Superligasi 25-tur doirasidan o‘rin olgan “Andijon” - “Qo‘qon-1912” bahsi 27 noyabr kuni Andijon shahridagi “Barkamol avlod” stadionida bo‘lib o‘tadi. “Vodiy derbisi” oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
Ustunlik kim tomonda?
Ushbu jamoalar O‘zbekiston chempionati doirasida 23 marta to‘qnash kelishgan. O‘yinlarning 8 tasida jamoamiz g‘alaba qozongan. 6 ta uchrashuvda durang natija qayd etilgan. 9 ta bahsda andijonliklar qo‘li baland kelgan.
To‘plar nisbati – 41-34 raqibimiz foydasiga. O‘zaro o‘yinlarda “Qo‘qon-1912” jamoasi 30 ochkoni qo‘lga kiritgan. “Andijon”ning bu boradagi ko‘rsatkichi – 33 ochkoga teng.
Andijonda bo‘lib o‘tgan uchrashuvlar
13.08.2016 Andijon - Qo‘qon- 1912 - 0:2
22.08.2015 Andijon - Qo‘qon- 1912 - 1:2
02.08.2003 Andijon - Qo‘qon- 1912 - 1:0
16.11.2002 Andijon - Qo‘qon- 1912 - 5:3
26.10.2000 Andijon - Temiryo‘lchi - 6:2
28.08.1999 Andijon - Temiryo‘lchi - 2:0
25.10.1998 Andijon - Temiryo‘lchi - 3:2
01.07.1995 Navro‘z - Temiryo‘lchi - 3:1
13.04.1994 Navro‘z - Temiryo‘lchi - 1:0
09.04.1993 Navro‘z - Temiryo‘lchi - 2:0
29.04.1992 Navro‘z – Temiryo‘lchi - 0:0
Boshlanish vaqtlari
"Andijon" - "Qo‘qon-1912" uchrashuvi, chorshanba kuni Andijon shahridagi “Barkamol avlod” stadionida soat 14:30 da start oladi. Ertaga esa ushbu jamoalarning o‘rinbosarlari U-21 birinchiligi 25-turida maydonga tushishadi. Mazkur uchrashuv Bo‘ston daxasidagi BO‘FM stadionida o‘tkaziladi. Bahsning boshlanish vaqti – 14:00ga belgilangan.
