"Ayaks" yarim himoyachisi Dusan Tadich Serbiyada 2019 yilning eng yaxshi serbiyalik futbolchisi deb tan olindi, deb xabar bermoqda mamlakat futbol federasiyasi.

31 yoshli yarim himoyachi 2016 yilda ham yilning eng yaxshi futbolchisiga aylangan edi.

Tadich 2018/19 mavsumida Gollandiya chempioni bo‘ldi, shuningdek, klub bilan Chempionlar Ligasining yarim finaliga qadar etib bordi.

U 34 ta o‘yinda 29 ta gol va 15 ta gollik uzatma amalga oshirdi.

Ushbu mavsumda futbolchi Gollandiya chempionatining 14 o‘yinida 7 ta gol urdi va 11 ta golga assistentlik qildi.