Italiyaning «Napoli» klubi bosh murabbiyi Karlo Anchelotti jamoadagi ichki vaziyatga qaramasdan o‘z joyida qolishini aytib o‘tdi.

— Klub menga ishonch bildirmoqda, o‘ylaymanki, futbolchilar ham ishonadi. Agar klub va futbolchilar tomonidan ishonch bildirilmasa, iste’fo haqida o‘ylash mumkin, ammo men bu borada hali o‘ylamadim.

Men 30 yildan beri o‘z xohishimga ko‘ra iste’foga chiqmaganman va hozir ham unday qilmoqchi emasman. Klubdagi hozirgi vaziyat juda keskin. Agar siz boshqa odamlar bilan ishlasangizda doim muammolar bo‘ladi. Siz ba’zi fikrlarda ular bilan rozi bo‘lishingiz mumkin, ammo hammasida ham emas.

Aslida inson oldida aniq bir maqsad bo‘lishi kerak. Bizda bu narsa bor va bu vaziyatdan chiqish ketishimizga yordam beradi, — dedi Anchelotti.