Xalqaro futbol assosiasiyalari federasiyasi (FIFA) terma jamoalarning noyabr oyidagi reytingini e’lon qildi.

Unga ko‘ra, O‘zbekiston terma jamoasi o‘z ochkolarini 1289taga (avvalgi oyga nisbatan 2 ballga ko‘p) yetkazgan bo‘lsa-da, o‘zi egallab turgan 85-pog‘onada qoldi. Terma jamoasiz ushbu oyda Qirg‘izistonni o‘rtoqlik o‘yinida, Falastinni JCH-2022 saralash bahsida mag‘lub etib, Saudiya Arabistoniga imkoniyatni boy berdi. Saudiya termasi esa ushbu g‘alaba tufayli 2ta o‘rin ko‘tarilib, 67-pog‘onaga chiqib oldi. Falastin terma jamoasi 7 pog‘ona pastlab, top-100ni tark etdi (107-o‘rin).

O‘zbekiston terma jamoasi Osiyo jamoalari ichida 11-o‘rinni egallab turibdi. Qit’amiz reytingini Yaponiya (28), Eron (33), Janubiy Koreya (41), Avstraliya (42), Qatar (55) terma jamoalari boshqarib turishibdi.

Jahon reytingining yuqori o‘nligida faqat bitta o‘zgarish bo‘ldi. 6 va 7-o‘rindagi Xorvatiya va Portugaliya terma jamoalari o‘zaro o‘rin almashishdi.

FIFA reytingi. Top-10.

1. Belgiya – 1765 ochko
2. Fransiya – 1733
3. Braziliya – 1712
4. Angliya – 1661
5. Urugvay – 1645
6 (7). Xorvatiya – 1642
7 (6). Portugaliya – 1639
8. Ispaniya – 1636
9. Argentina – 1623
10. Kolumbiya – 1622
…
85 (85). O‘zbekiiston - 1289