O‘zbekiston milliy terma jamoasi sobiq darvozaboni, ayni paytda Toshkentning “Lokomotiv” klubida faoliyat olib borayotgan Ignatiy Nesterov keyingi mavsumni Jizzaxning “So‘g‘diyona” jamoasida o‘tkazishi mumkin.
Tarqatilgan norasmiy xabarlarga qaraganda, “So‘g‘diyona” klubi Nesterovning xizmatlariga jiddiy qiziqish bildirmoqda.
Eslatib o‘tamiz, faoliyati davomida “Paxtakor”, “Bunyodkor”, “Lokomotiv” jamoalarida to‘p surgan terma jamoamizning sobiq darvozaboni joriy yilning yanvar oyida Saudiya Arabistonining “Oxod” jamoasiga o‘tgan edi va diskvalifikasiyaga uchrab, olti oy futboldan chetda yurdi. Jazo muddati yakuniga yetgach, Nesterov Toshkentning “Lokomotiv” jamoasiga qaytgan edi.