Ўзбекистон миллий терма жамоаси собиқ дарвозабони, айни пайтда Тошкентнинг “Локомотив” клубида фаолият олиб бораётган Игнатий Нестеров кейинги мавсумни Жиззахнинг “Сўғдиёна” жамоасида ўтказиши мумкин.
Тарқатилган норасмий хабарларга қараганда, “Сўғдиёна” клуби Нестеровнинг хизматларига жиддий қизиқиш билдирмоқда.
Эслатиб ўтамиз, фаолияти давомида “Пахтакор”, “Бунёдкор”, “Локомотив” жамоаларида тўп сурган терма жамоамизнинг собиқ дарвозабони жорий йилнинг январь ойида Саудия Арабистонининг “Оход” жамоасига ўтган эди ва дисквалификацияга учраб, олти ой футболдан четда юрди. Жазо муддати якунига етгач, Нестеров Тошкентнинг “Локомотив” жамоасига қайтган эди.