Reglamentda fors-major holati alohida ko‘rsatilgan. Bugun mana shu holat Qo‘qonda ro‘y berdi. Kuchli tuman sabab inspektor hakamlar harakatini kuzata olmay, pastga tushishga majbur bo‘lgandi. PFL komissarining qayd etishicha, endi ikki darvoza ham bir-biriga ko‘rinmayapti, hakamlar ham, futbolchilar ham kuchli tumanda qiyinchilikka duch kelyapti. Shuning uchun o‘yin noma’lum daqiqaga to‘xtadi.

Reglament bo‘yicha so‘nggi tur uchrashuvlarini bir vaqtda boshlashga erishdik. Hattoki yilda bir marta IIB ham poytaxtning o‘zida ikkita markaziy o‘yinni o‘tkazishda amaliy yordam ko‘rsatyapti. Biroq ob-havo butunlay boshqa masala, unga qarshilik qilib bo‘lmaydi. Yaxshiki, Qo‘qondagi o‘yin amalda hech narsani hal qilmaydi. Agar kimningdir tushib ketishi yoki sovrinli o‘rinlar masalasi hal bo‘lganida edi, PFL qiyin vaziyatda qolardi.