Регламентда форс-мажор ҳолати алоҳида кўрсатилган. Бугун мана шу ҳолат Қўқонда рўй берди. Кучли туман сабаб инспектор ҳакамлар ҳаракатини кузата олмай, пастга тушишга мажбур бўлганди. ПФЛ комиссарининг қайд этишича, энди икки дарвоза ҳам бир-бирига кўринмаяпти, ҳакамлар ҳам, футболчилар ҳам кучли туманда қийинчиликка дуч келяпти. Шунинг учун ўйин номаълум дақиқага тўхтади.
Регламент бўйича сўнгги тур учрашувларини бир вақтда бошлашга эришдик. Ҳаттоки йилда бир марта ИИБ ҳам пойтахтнинг ўзида иккита марказий ўйинни ўтказишда амалий ёрдам кўрсатяпти. Бироқ об-ҳаво бутунлай бошқа масала, унга қаршилик қилиб бўлмайди. Яхшики, Қўқондаги ўйин амалда ҳеч нарсани ҳал қилмайди. Агар кимнингдир тушиб кетиши ёки совринли ўринлар масаласи ҳал бўлганида эди, ПФЛ қийин вазиятда қоларди.
