Emeri iste’foga chiqarilganidan keyin "Arsenal" safarda "Norvich" klubi mehmoni bo‘ldi.

Mezbonlar 21-daqiqada Pukkining goli evaziga hisobni ochishgan edi. Oradan 8 daqiqa o‘tib belgilangan penaltidan Obameyang samarali foydalanib, muvozanatni tikladi.

Birinchi bo‘limning so‘nggi daqiqasida mezbonlar yana oldinga o‘tib olishdi. Gol muallifi — Kentuell.

Ikkinchi bo‘limda esa yana o‘sha Pyer-Emerik Obameyang o‘zining ikkinchi to‘pini kiritib, hisobni tenglashtirdi. Qolgan daqiqalarda Frederik Yungberg jamoasi raqib darvozasiga boshqa yo‘l topa olmadi.

Ushbu durang tufayli "Arsenal" o‘z ochkolarini 19taga yetkazib, o‘zi egallab turgan 8-pog‘onani saqlab qoldi.

Angliya chempionati, 14-tur
Norvich – Arsenal 2:2 (2:1, 0:1)
Gollar: 1:0 – 21 Pukki, 1:1 – 29, penalti Obameyang, 2:1 – 45 Kentuell, 2:2 – 57 Obameyang.
Norvich – Krul, Simmermann, Aarons, Godfri, Bayrem, Ernandes, Maklin, Tribull, Amadu, Kentuell (Buendia, 83), Pukki.
Arsenal – Leno, David Luiz, Chembers, Mustafi, Kolashinas, Genduzi (Saka, 78), Ozil (Martinelli, 89), Uillok (Torreyra, 70), Djaka, Lyakazett, Obameyang.
Ogohlantirishlar: Krul (29), Maklin (44), Chembers (66).

Vulverxempton – Sheffild Yunayted 1:1 (0:1, 1:0)
Gollar: 0:1 – 2 Musse, 1:1 – 64 Doerti.
Vulverxempton – Ruy Patrisiu, Kastro, Koudi, Kilmen, Doerti, Ruben Nevesh, Dendonker, Moutinyu, Traore, Ximenes, Diogu Jota.
Sheffild Yunayted – Xenderson, Stivens, Igan, O`Konnell, Boldok, Landstrem (Frimen, 90), Norvud, Flek, Bashem, Musse (Robinson, 86), Makgoldrik (Makberni, 73).
Ogohlantirishlar: Dendonker (3), Stivens (15), Flek (42), Boldok (54), O`Konnell (63), Igan (90).