Эмери истеъфога чиқарилганидан кейин "Арсенал" сафарда "Норвич" клуби меҳмони бўлди.

Мезбонлар 21-дақиқада Пуккининг голи эвазига ҳисобни очишган эди. Орадан 8 дақиқа ўтиб белгиланган пенальтидан Обамеянг самарали фойдаланиб, мувозанатни тиклади.

Биринчи бўлимнинг сўнгги дақиқасида мезбонлар яна олдинга ўтиб олишди. Гол муаллифи — Кэнтуэлл.

Иккинчи бўлимда эса яна ўша Пьер-Эмерик Обамеянг ўзининг иккинчи тўпини киритиб, ҳисобни тенглаштирди. Қолган дақиқаларда Фредерик Юнгберг жамоаси рақиб дарвозасига бошқа йўл топа олмади.

Ушбу дуранг туфайли "Арсенал" ўз очколарини 19тага етказиб, ўзи эгаллаб турган 8-поғонани сақлаб қолди.

Англия чемпионати, 14-тур
Норвич – Арсенал 2:2 (2:1, 0:1)
Голлар: 1:0 – 21 Пукки, 1:1 – 29, пенальти Обамеянг, 2:1 – 45 Кэнтуэлл, 2:2 – 57 Обамеянг.
Норвич – Крул, Циммерманн, Ааронс, Годфри, Байрэм, Эрнандес, Маклин, Трибулл, Амаду, Кэнтуэлл (Буэндиа, 83), Пукки.
Арсенал – Лено, Давид Луиз, Чемберс, Мустафи, Колашинац, Гендузи (Сака, 78), Озил (Мартинелли, 89), Уиллок (Торрейра, 70), Джака, Ляказетт, Обамеянг.
Огоҳлантиришлар: Крул (29), Маклин (44), Чемберс (66).

Вулверхэмптон – Шеффилд Юнайтед 1:1 (0:1, 1:0)
Голлар: 0:1 – 2 Муссе, 1:1 – 64 Доэрти.
Вулверхэмптон – Руй Патрисиу, Кастро, Коуди, Килмен, Доэрти, Рубен Невеш, Дендонкер, Моутинью, Траоре, Хименес, Диогу Жота.
Шеффилд Юнайтед – Хендерсон, Стивенс, Иган, О`Коннелл, Болдок, Ландстрем (Фримэн, 90), Норвуд, Флек, Башем, Муссе (Робинсон, 86), Макголдрик (Макберни, 73).
Огоҳлантиришлар: Дендонкер (3), Стивенс (15), Флек (42), Болдок (54), О`Коннелл (63), Иган (90).