Yangi asrning eng mashhur murabbiylaridan biri sifatida e’tirof etiluvchi Joze Mourinyoning iqtiboslari barchaning e’tibor markazida turishi hech kimga sir emas. Bugun «benazir» tomonidan nishonga olingan mashxur futbolchilar va ularning manzillariga otilgan keskin iqtiboslar bilan tanishib o‘tamiz.
Lionel Messi
Katolon tilida simulyasiya so‘zi qanday yangraydi? «Barselona» madaniy shaxar va katta teatrlarga ega klub. Bolakay ancha-muncha narsalarni o‘zlashtirishga muvaffaq bo‘libdi. Ayniqsa, aktyorlik mahoratini!
Ronaldu
U meni o‘z aybini tan olmaslikda ayblamoqda?! U endigina «Manchester Yunayted»ning asosiy jamoasiga o‘tdi. Yigitchaga ulg‘ayishini va insonlarni hurmat qilishni tavsiya qilaman. Balki, barchasiga og‘ir o‘tgan bolalik yoki noto‘gri tarbiya ta’sir o‘tkazgandir?! Shunday bo‘lsada, menda u bilan ham Aleks Fergusson bilan ham muammo yo‘q.
«Tottenhem»
Bizning Portugaliyada «Tottenhem» ko‘rsatgan o‘yinni darvoza oldiga avtobus qo‘yish deb atashadi. Men o‘yinni tomosha qilish uchun mehnat qilib topgan 50 funtiga chipta xarid qilgan muxlislar uchun «Tottenhem»dan xafaman. Himoyada o‘ynab ham qarshi hujumlarda 3 ta gol kiritish mumkin. Himoyalanishning o‘zi bilan o‘yinni o‘ldirib qo‘yish ham mumkin.
Gvardiola
Agar futboldan lazzat olsang, sochlaring to‘kilmaydi. Gvardiola o‘z ishidan zavqlanmaydi. Aynan shuning uchun uni sochlari tark etgan.
Arsen Venger
O‘rtamizda ulkan farq mavjud. U omadsizlik borasida chinakam mutaxassis. Men esa, uning tamomila aksiman. Mag‘lubiyatga uchrashdan qo‘rqishim rost. Gap shundaki, men juda kam mag‘lubiyatga uchrayman, shuning uchun ham yengilishdan qo‘rqaman. Agarda uning «Arsenal» ko‘rsatgan natijalarni men qayd etganimda, Londondan bosh olib chiqib ketar edim va ortga sira qaytmas edim.
«Barselona»
Men Kataloniya klubini yomon ko‘raman. Ular doimmo hakamlarga bosim o‘tkazishga urinishadi. Eng kulguli tomoni shundaki, ular buni har doim uddalashadi.
Balotelli
U g‘alati yigit. «Rubin»ga qarshi mehmondagi uchrashuvda qizil kartochka olgani shundoq esimda. U kiyinish xonasida video o‘yin bilan band bo‘lgan va o‘yin qanday natija bilan yakunlangani bilan ham qiziqmagan edi. Ochig‘i, o‘sha kuni unga oshxona pichog‘ini suqib olgim kelgan. Keyin o‘ylab qoldim. Axir bu Balotelli-ku! Biroz o‘yladim va uni o‘zim yoqtirmaydigan murabbiylardan biriga tavsiya qilishga qaror qildim.
