Italiya chempionatining 15-turi doirasida "Milan" klubi safarda "Bolonya" mehmoni bo‘ldi.

Pioli shogirdlari o‘yin davomida ancha ishonchli harakat qilib, vaziyatlardan foydalanishda ham samarali o‘ynashdi.

Dastlab Piontek penaltidan unumli foydalanib, hisobni ochgan bo‘lsa, 32-daqiqada Teo Ernandes "rossoneri"ning ikkinchi golini raqib darvozaga joyladi. Oradan ko‘p o‘tmasdan ushbu himoyachining o‘zi avtogol muallifiga aylandi.

Ikkinchi bo‘lim boshida esa Bonaventura oradagi farqni yana ikkitaga oshirib qo‘ydi. O‘yin tugashiga 6 daqiqa qolganida milanliklar darvozasi tomon penalti belgilandi va uni Sansone golga aylantirdi.

Shu tariqa, "Milan" sentyabr oyidan beri ilk marta ketma-ket 2ta o‘yinda g‘alaba qozondi. Jamoa o‘z ochkolarini 20taga yetkazib, jadvalda 10-o‘ringa ko‘tarilib oldi.

Italiya A seriyasi, 15-tur
Bolonya – Milan 2:3 (1:2, 1:1)
Gollar: 0:1 – 15, penalti Piontek, 0:2 – 32 Teo, 1:2 – 40, avtogol Teo, 1:3 – 46 Bonaventura, 2:3 – 84, penalti Sansone.
Bolonya – Skorupski, Tomiyasu, Bani, Larangeyra, Densvil, Poli, Sxauten (Svanberg, 46), Olsen (Orsolini, 78), Djemaili (Santander, 64), Sansone, Palasio.
Milan – Donnarumma, Konti, Musakkyo, Romanyoli, Teo, Kessie, Bennaser (Bigliya, 70), Bonaventura (Lukas Paketa, 79), Suso, Piontek, Chalxanoglu (Kastilyexo, 85).
Ogohlantirishlar: Bani (14), Bennaser (21), Tomiyasu (74), Palasio (77), Santander (81), Romanyoli (83).