Daily Mail nashrining tarqatgan xabariga qaraganda, Angliyaning «Manchester Yunayted» klubi rahbariyati jamoa bosh murabbiyi Ole Gunnar Sulsher bilan uchrashgan.
Jamoa xo‘jayinlaridan biri Djoel Gleyzer Sulsherning iste’fosiga chiqarilishi haqida hech qanday asos yo‘qligini aytib o‘tgan.
Xabarda aytilishicha, Sulsher «Qizil iblislar» direktori Ed Vudvord bilan transfer maqsadlari borasida kelishib olgan. Klub ikkita yarim himoyachi va bitta hujumchi xarid qilish niyatida.
«MYU»ning transfer bozoridagi asosiy maqsadlari - «Atletiko» yarim himoyachisi Saul va «Zalsburg» klubi hujumchisi Erling Xolandlar bo‘lib turibdi.