Yevropa chempionlar ligasining o‘tgan mavsumida yarim finalgacha yetib borgan va ushbu mavsumda ham guruhdan chiqish uchun yaxshi imkoniyatga ega bo‘lib turgan "Ayaks", kutilmaganda, o‘z ishtirokini Yevropa ligasida davom ettiradigan bo‘ldi.

Amsterdamliklar so‘nggi turdi o‘z uylarida "Valensiya"ga qarshi o‘yinda yutqazmasalar kifoya edi. Ammo "ko‘rshapalaklar" 24-daqiqada Rodrigo Morenoning goli evaziga hisobni ochishdi. Qolgan daqiqalarda esa ispanlar yaxshi himoyalanib, "Ayaks"ga gol urish imkonini berishmadi.

"Chelsi" esa o‘z maydonida guruh autsayderi "Lill"ni qabul qilib, 2:1 hisobida mag‘lub etdi.

Natijada "Valensiya" va "Chelsi" klublari hisobidagi ochkolar 11tani tashkil qildi. O‘zaro o‘yinlarga ko‘ra valensiyaliklar 1-o‘rinni egallashdi.

Yevropa chempionlar ligasi,
"H" guruhi, 6-tur
Chelsi Angliya – Lill Fransiya 2:1 (2:0, 0:1)
Gollar: 1:0 – 19 Abraxam, 2:0 – 35 Aspilikueta, 2:1 – 78 Remi.
Chelsi – Arrisabalaga, Ryudiger, Zuma, Aspilikueta, Emerson, Kante, Jorjinyo, Pulishich (Xadson-Odoi, 62), Kovachich (Maunt, 82), Villian, Abraxam (Batshuayi, 72).
Lill – Menyan (Leo Jardim, 72), Gabriel, Chelik, Tiagu Djalo, PYE, Tiago Mayya (Bamba, 66), Sumare, Sheka, Yazidji, Luis Araujo (Sanshesh, 82), Remi.
Ogohlantirishlar: Chelik (40), Zuma (45), Sheka (67).
 
Ayaks Gollandiya – Valensiya Ispaniya 0:1 (0:1, 0:0)
Gol: 0:1 – 24 Rodrigo.
Ayaks – Onana, Alvares (Dest, 46), Mazraui, Blind, Martines, Tadich, Lang (Xuntelar, 70), Talyafiko (de Yong, 89), van de Bek, Veltman, Ziyesh.
Valensiya – Domenek, Gabriel Paulista, Diakabi, Gayya, Vass, Parexo, Soler, Koklen, Ferran Torres (Mangalya, 90), Gameyro (Valyexo, 54), Rodrigo.
Ogohlantirishlar: Alvares (10), Domenek (79), Talyafiko (79), Onana (81), Parexo (81), van de Bek (83), Valyexo (86), Tadich (90).
Chetlatish: Gabriel Paulista (90).