Londonning «Tottenxem» klubi bosh murabbiyi Joze Mourinyo Kristian Eriksen bilan munosabatlari haqida gapirib o‘tdi.
«Uning shartnomasi yakunlanib borayotganini bilaman, ammo biz Kristian bilan suhbatlashdik. Men bu haqda gapirmoqchi emasman. Bu shaxsiy masala. U bilan birinchi kundanoq yaxshi munosabatda gaplashganmiz. Men uning ishonchiga xiyonat qilmayman. Kristian klub uchun naqadar muhim futbolchi ekanligini biladi. Men buni klub rahbarlari bilan bo‘lishishim mumkin, ammo OAV bilan emas. Kristian esa OAV orqali nima gapirish va gapirmaslikni o‘zi hal qilsin», - dedi Mourinyo A Bola nashriga bergan intervyusida.