Madridning «Real» klubi hujumchisi Kilian Mbappe ba’zi jamoadoshlaridan norozi. Fransiyalik yulduz jamoadagi holatdan g‘azabda — uning fikricha, ayrim futbolchilar mavsumni «barbod qilishgan», deb xabar bermoqda Madrid Universal. Yulduz forvard hatto ushbu masala bo‘yicha jamoadoshlari bilan shaxsiy suhbatlar ham o‘tkazgan.

Qayd etilishicha, Jud Bellingem — Mbappe bilan kelishmovchilik yuzaga kelgan futbolchilardan biri. Manbaning ta’kidlashicha, angliyalik futbolchi Kilianning omadsiz o‘yinlaridan so‘ng uni tanqid qilishga botingan kam sonli o‘yinchilardan biri bo‘lgan.

«Real» joriy mavsumni boy berdi: jamoa Chempionlar ligasi va Ispaniya Kubogidan chiqib ketdi, La Ligada esa «Barselona» bilan chempionlik uchun kurashish imkoniyatini deyarli yo‘qotdi.