Мадриднинг «Реал» клуби ҳужумчиси Килиан Мбаппе баъзи жамоадошларидан норози. Франциялик юлдуз жамоадаги ҳолатдан ғазабда — унинг фикрича, айрим футболчилар мавсумни «барбод қилишган», деб хабар бермоқда Madrid Universal. Юлдуз форвард ҳатто ушбу масала бўйича жамоадошлари билан шахсий суҳбатлар ҳам ўтказган.
Қайд этилишича, Жуд Беллингем — Мбаппе билан келишмовчилик юзага келган футболчилардан бири. Манбанинг таъкидлашича, англиялик футболчи Килианнинг омадсиз ўйинларидан сўнг уни танқид қилишга ботинган кам сонли ўйинчилардан бири бўлган.
«Реал» жорий мавсумни бой берди: жамоа Чемпионлар лигаси ва Испания Кубогидан чиқиб кетди, Ла Лигада эса «Барселона» билан чемпионлик учун курашиш имкониятини деярли йўқотди.
