Angliyaning «Manchester Siti» klubi bosh murabbiyi Xosep Gvardiola APLda Liverpul»ni quvib o‘tish haqida o‘ylamayotganini aytib o‘tdi.

—«Liverpul» haqida umuman o‘ylamayapman. Men «Lester» haqida o‘ylashim kerak. “Liverpul”ga yaqinlashish uchun avval «tulkilar»ni quvib o‘tishimiz kerak.

So‘nggi yillarda biz uyda ham, safarda ham ajoyib o‘yinlarni namoyish etdik, lekin joriy mavsumda ochkolarimiz soni kamayib ketdi. Lekin, agar bizning o‘yin uslubimiz bo‘lmaganida bundan juda xavotirlangan bo‘lardim, — dedi Gvardiola.