Italiya chempionatining 16-turi doirasida so‘nggi o‘yin «Kalyari» va «Lasio» jamoalari o‘rtasida bo‘lib o‘tdi.

Bahsning 8-daqiqasida Diyego Simeonening o‘g‘li Jovanni Simeone rimliklar darvozasini ishg‘ol qildi.

Butun o‘yin davomida "Lasio" tashabbusni o‘z qo‘liga olishga harakat qildi, ammo "Kalyari"ning qarshi hujumlari xavfli chiqdi.

Hakam tomonidan ikkinchi bo‘limga qo‘shib berilgan 5 daqiqa ichida vaziyat butunlay o‘zgarib ketdi. Dastlab Luis Alberto hisobni tenglashtirgan bo‘lsa, 90+8-daqiqada Kaysedo g‘alaba to‘pini kiritishga muvaffaq bo‘ldi.

Shu tariqa, "Lasio" o‘z ochkolarini 36taga yetkazib, peshqadamlar — "Inter" va "Yuventus" ancha yaqinlashib oldi. Endi rimliklar ulardan 3 ochko ortda qolishmoqda.

Italiya chempionati, 16-tur
Kalyari – Lasio 1:2 (1:0, 0:2)
Gollar: 1:0 – 8 Simeone, 1:1 – 90+3 Luis Alberto, 1:2 – 90+8 Kaysedo.
Kalyari – Bittenkur, Kachchatore, Pizakane, Klavan, Likoyannis, Nandes, Chigarini (Oliva, 80), Ionise (Farago, 83), Joao Pedro, Nainggolan (Deyola, 90), Simeone.
Lasio – Strakosha, Luis Felipe, Acherbi, Radu (Kaysedo, 80), Lassari, Milinkovich-Savich, Leyva (Kataldi, 64), Luis Alberto, Lulich (Xoni Rodriges, 56), Korrea, Immobile.
Ogohlantirishlar: Luis Alberto (20), Nandes (21), Klavan (32), Ionise (46), Pizakane (56), Kataldi (69), Kaysedo (90).