Италия чемпионатининг 16-тури доирасида сўнгги ўйин «Кальяри» ва «Лацио» жамоалари ўртасида бўлиб ўтди.

Баҳснинг 8-дақиқасида Диего Симеоненинг ўғли Жованни Симеоне римликлар дарвозасини ишғол қилди.

Бутун ўйин давомида "Лацио" ташаббусни ўз қўлига олишга ҳаракат қилди, аммо "Кальяри"нинг қарши ҳужумлари хавфли чиқди.

Ҳакам томонидан иккинчи бўлимга қўшиб берилган 5 дақиқа ичида вазият бутунлай ўзгариб кетди. Дастлаб Луис Альберто ҳисобни тенглаштирган бўлса, 90+8-дақиқада Кайседо ғалаба тўпини киритишга муваффақ бўлди.

Шу тариқа, "Лацио" ўз очколарини 36тага етказиб, пешқадамлар — "Интер" ва "Ювентус" анча яқинлашиб олди. Энди римликлар улардан 3 очко ортда қолишмоқда.

Италия чемпионати, 16-тур
Кальяри – Лацио 1:2 (1:0, 0:2)
Голлар: 1:0 – 8 Симеоне, 1:1 – 90+3 Луис Альберто, 1:2 – 90+8 Кайседо.
Кальяри – Биттенкур, Каччаторе, Пизакане, Клаван, Ликояннис, Нандес, Чигарини (Олива, 80), Ионицэ (Фараго, 83), Жоао Педро, Наингголан (Дейола, 90), Симеоне.
Лацио – Стракоша, Луис Фелипе, Ачерби, Раду (Кайседо, 80), Лаццари, Милинкович-Савич, Лейва (Катальди, 64), Луис Альберто, Лулич (Хони Родригес, 56), Корреа, Иммобиле.
Огоҳлантиришлар: Луис Альберто (20), Нандес (21), Клаван (32), Ионицэ (46), Пизакане (56), Катальди (69), Кайседо (90).