Madridning "Atletiko" klubi direktori Klemente Vilyaverde YECHLning 1/8 finaliga tashlangan qur’a haqidagi fikrlari bilan o‘rtoqlashdi.
"Ikki oydan keyin qanday formada bo‘lishimizni ko‘ramiz. O‘sishda va ishlashda davom etamiz. Butunlay boshqacha tarix bo‘lishiga ishonama. Biz yaxshi o‘yin namoyish etamiz va mavsum yakunigacha shunday ruhda o‘ynashga harakat qilamiz. Ayni paytda "Liverpul" dunyoning eng kuchli klubi ekanligini aytish mumkin. Ular YECHLning amaldagi chempioni. Biroq biz o‘z ustimizda ishlashga hamda “Liverpul”ning xayotini qiyinlashtirishga harakat qilamiz", - dedi Vilyaverde UEFA rasmiy saytiga bergan intervyusida.













