Bugun Italiya chempionatining 17-turidan o‘rin olgan dastlabki o‘yin bo‘lib o‘tadi. "Yuventus" safarda "Sampdoriya" klubi mehmoni bo‘lib, g‘alabani qo‘lga kiritdi.

Uchrashuvning 19-daqiqasida mezbonlar o‘z jarima maydonlari ichida Dibalani yolg‘iz qoldirishdi. Paulo esa aniq zarba bilan hisobni ochdi. Bahsning 35-daqiqasida esa maydon egalari Kaprarining goli evaziga hisobni tenglashtirdi.

Birinchi taymning so‘nggi daqiqasida Ronaldu chiroyli gol muallifiga aylandi. Chap qanotdan havolatib yetkazilgan uzatmaga baland sakrab, bosh bilan darvozani zabt etdi. O‘sha vaziyatda portugaliyalik futbolchining oyog‘i yerdan 71 santimetr yuqoriga ko‘tarilgan bo‘lsa, to‘p 2,56 metr balandlikda bo‘lgan.

Ikkinchi bo‘limda darvozalarga boshqa to‘p kiritilmadi va Sarri shogirdlari g‘alabani saqlab qolishdi.

Italiya A seriyasi, 17-tur
Sampdoriya – Yuventus 1:2 (1:2, 0:0)
Gollar: 0:1 – 19 Dibala, 1:1 – 35 Kaprari, 1:2 – 45 Ronaldu.
Sampdoriya – Audero, Murru (Audjello, 76), Ferrari, Murilyo, Depaoli (Leris, 50), Linetti, Torsbyu, Ramires, Yankto (Gabbyadini, 61), Kaprari, Kolli.
Yuventus – Buffon, Demiral, Bonuchchi, Aleks Sandro (De Shilyo, 82), Danilo, Matyuidi, Pyanich, Rabyo, Ronaldu, Iguain (Remzi, 69), Dibala (Duglas Kosta, 77).
Ogohlantirishlar: Yankto (43), Pyanich (59), Murilyo (61), Demiral (76), Kaprari (76), Ramires (90).
Chetlatish: Kaprari (90).