UYEFA Yevropa chempionlar ligasining o‘tgan yilgi mavsumi bo‘yicha daromadlarning qay tariqa taqsimlanganini e’lon qildi.

YECHLning 2018/19 yilgi mavsumida guruh bosqichi, pley-off bosqichi va UYEFA superkubogida ishtirok etgan klublarga jami 1,976 milliard yevro to‘langan. 2017/18 yilgi mavsumda esa bu summa 1,412 milliard yevroni tashkil qilgan edi.

Eng ko‘p daromadni «Barselona» klubi olgan — 117,7 million yevro. Musobaqa g‘olibi «Liverpul» esa ikkinchi o‘rinni olgan bo‘lsa (111,09 mln), finalchi «Tottenxem» (101,6 mln) bu borada uchinchi bo‘lgan.

YECHL-2018/2019da eng ko‘p daromad olgan klublar:
1. «Barselona» — 117,7 million yevro;
2. «Liverpul» — 111,09 mln
3. «Tottenxem» — 101,6 mln
4. «Yuventus» — 95,5 mln
5. «Manchester Yunayted» – 93,4 mln
6. «Manchester Siti» – 93,2 mln
7. «PSJ» – 85,8 mln
8. «Atletiko» – 85,6 mln
9.«Real» – 85,3 mln
10.«Bavariya» – 82,8 mln.