Myunxenning "Bavariya" klubi Angliyaning "Manchester Siti" himoyachisi Joau Kanseluga jiddiy qiziqish bildirmoqda. Bu haqda Bild nashri xabar bermoqda.
Manbaning tarqatgan ma’lumotiga qaraganda, nemis klubi futbolchini keyinchalik sotib olish sharti bilan qishki transfer bozorida ijaraga olmoqchi.
Agar ushbu transfer amalga oshadigan bo‘lsa, u holda “Bavariya”ning fransiyalik himoyachisi Benjamen Pavar qanot himoyachisi pozisiyasidan markaziy himoyachilikka o‘tadi.
Lekin, ushbu transferning amalga oshishi juda qiyin. Sababi, “shaharliklar” o‘z futbolchisi bilan xayrlashishi niyatida emas.
Kanselu "Manchester Siti" klubiga 2019 yilning yozida Turinning "Yuventus" klubidan 65 million yevro evaziga ko‘chib o‘tgan.
