Мюнхеннинг "Бавария" клуби Англиянинг "Манчестер Сити" ҳимоячиси Жоау Канселуга жиддий қизиқиш билдирмоқда. Бу ҳақда Bild нашри хабар бермоқда.
Манбанинг тарқатган маълумотига қараганда, немис клуби футболчини кейинчалик сотиб олиш шарти билан қишки трансфер бозорида ижарага олмоқчи.
Агар ушбу трансфер амалга ошадиган бўлса, у ҳолда “Бавария”нинг франциялик ҳимоячиси Бенжамен Павар қанот ҳимоячиси позициясидан марказий ҳимоячиликка ўтади.
Лекин, ушбу трансфернинг амалга ошиши жуда қийин. Сабаби, “шаҳарликлар” ўз футболчиси билан хайрлашиши ниятида эмас.
Канселу "Манчестер Сити" клубига 2019 йилнинг ёзида Туриннинг "Ювентус" клубидан 65 миллион евро эвазига кўчиб ўтган.













