Англия Кубогининг ярим финал босқичи доирасида «Манчестер Сити» ва «Саутгемптон» жамоалари ўртасидаги баҳс якунланди. Унда «шаҳарликлар» иродали ғалабани қўлга киритишди.

79-дақиқада «Саутгемптон» ярим ҳимоячиси Финн Эйзас кутилмаганда номинал мезбонларни олдинга олиб чиқди. Бироқ Хосеп Гвардиола шогирдлари тезкорлик билан мувозанатни тиклашга муваффақ бўлишди: 83-дақиқада Жереми Доку ҳисобни тенглаштирди. Орадан тўрт дақиқа ўтиб, Нико Гонсалес «Манчестер Сити»га ғалаба келтирувчи голни урди — 2:1.

Ҳамюртимиз Абдуқодир Ҳусанов бу ўйинни захирадан кузатди.

Шу тариқа, «Манчестер Сити» Англия Кубогининг финалига йўл олди. Жамоанинг финалдаги рақиби 26 апрель, якшанба куни бўлиб ўтадиган «Челси» ҳамда «Лидс» жамоалари ўртасидаги иккинчи ярим финал баҳсидан сўнг маълум бўлади.

«МАНЧЕСТЕР СИТИ» — «САУТГЕМПТОН» — 2:1

Голлар: Эйзас 79 (0:1), Жереми Доку 83 (1:1), Гонсалес 87 (2:1).

«Манчестер Сити»: Траффорд, Аит Нури (О`Райли, 71), Аке, Стоунс, Матеус Нунес, Ковачич (Савио, 58), Гонсалес, Рейндерс (Бернарду Силва, 86), Фоден (Доку, 58), Шерки, Мармуш (Холанн, 71).

«Саутгемптон»: Перец, Велингтон (Мацуки, 77), Вуд, Хэрвуд-Беллис, Бри (Арчер, 89), Феллоус, Сиенза, Яндер, Брэгг (Чарльз, 61), Эйзас, Стюарт (Ларин, 61).

Огоҳлантириш: Хэрвуд-Беллис (90).