Italiyaning «Roma» klubi sobiq yarim himoyachisi Franchesko Totti professional futbolchilik faoliyatidan so‘nggi uchrashuvida muxlislar bilan g‘ayrioddiy tarzda xayrlashmoqchi bo‘lgan.
“Roma” klubi Juan Jezusning so‘zlariga ko‘ra, Totti o‘yindan oldin agar penalti belgilansa uni atayin noaniq amalga oshirishini aytgan ekan.
—Totti o‘zining so‘nggi uchrashuvidan oldin biz agar uchrashuvda penalti belgilansa, uni muxlislar tomonga tepib yuborishini va o‘ziga xos syurpriz tayyorlashini aytgandi — deb xotirlaydi Jezus braziliyadagi radiolarning biriga bergan intervyusida.
Aytish kerakki, Tottining xayrlashuv uchrashuvi 2017 yilning 27 may kuni A Seriyaning 38-tur doirasida «Jenoa» klubiga qarshi bo‘lib o‘tgan edi.
O‘sha uchrashuvda “Roma” klubi 3:2 hisobida g‘alaba qozongandi va YECHLga to‘g‘ridan-to‘g‘ri yo‘llanma beradigan o‘rinni qo‘lga kiritgandi. Uchrashuvda esa penalti belgilanmagandi.
