«Chelsi» bosh murabbiyi Frenk Lempard «Tottenxem» ustozi Joze Mourinyo tomonidan aytilgan «ko‘klar» Antonio Konte uslubida o‘ynagani haqidagi fikrga o‘z munosabatini bildirdi.

«Konte uslubi? Yo‘q, bugungi o‘yinga uning aloqasi yo‘q. Ishonchim komil, maydonga tushgan futbolchilarning yarmi Konte paytida yo‘q edi. Masalan, Tomori, Maunt, Abraxam avvalgi murabbiy paytida o‘ynamagan edi. Men kimningdir o‘yin uslubidan nusxa olishga harakat qilmayman.

Aslida esa Kontening uslubi zo‘r bo‘lgan edi, deb o‘ylayman. Chunki u «Chelsi»ga APL g‘olibligini taqdim etgan.

Mening uslubim esa Kontenikidan farq qiladi. Biz 4-3-3 taktik sxemasida o‘ynar ekanmiz, kimning uslubidan nusxa olish oson emas.

Gap shundaki, «Tottenxem»ga qarshi o‘yinda bu uslub bizga himoyalanish va hujum qilishga imkon berarmidi? Bu mening tanlovim edi. Futbolchilar mening rejamni yaxshi tushunishdi», – dedi Lempard.