Toshkentning «Paxtakor» jamoasi yarim himoyachisi Jaloliddin Masharipov taqdirlash marosimidan so‘ng, o‘z fikr va mulohazalari bilan o‘rtoqlashdi.
Ma’lumot uchun, Jaloliddin Masharipov yil ramziy terma jamoasidan o‘rin oldi. Qolaversa, Masharipov “Yilning eng yaxshi futbolchisi” sovrinida Eldor Shomurodvga imkoniyatni boy berdi.
Bugungi sovrin qanday hislarni taqdim etdi?
– Ochig‘ini aytsam, men bundanda ko‘prog‘ini kutgan edim. Nima bo‘lgan taqdirda ham, keying mavsumda o‘z ustimda ishlab eng yahshi futbolchi nominasiyasida g‘olib chiqishga harakat qilaman.
Shu kunlarda siz bilan Avstriya va Shvesariya klublari qiziqayotgani borasida mish-mishlar ko‘payib bormoqda. Bu haqida to‘xtalib o‘tsangiz?
– Futboldagi birinchi maqsadim Yevropaga ketish. Yahshiroq jamoadan taklif tushsa, hech narsaga qarab o‘tirmay yangi chaqiruvlarga labbay degancha ketmoqchiman. «Paxtakor»dagi barcha erishgan yutuqlarimni hurmat qilgan holda shuni aytishim mumkin-ki, menga mos taklif tushsa, albatta ko‘hna qit’aga yo‘l olaman.
Transferingiz borasidagi savolga javob bermadingiz?!
- Barchasi yangi yildan so‘ng aniq bo‘ladi. Unga qadar biror narsa demoqchi emasman.
O‘zbekiston terma jamoasining asosiy futbolchisi sifatida, jamoamizning JCHga chiqish imkoniyatlarini qanday baholaysiz?
- Imkoniyatlarimiz juda ham yahshi. Aytaylik, bizda JCHga chiqishimiz uchun imkoniyatlarimiz 70 foizni tashtil etadi. Biz qolgan 30 foizining o‘rnini to‘ldiramiz va nasib qilsa, muxlislarimiz orzularini ro‘yobga chiqaramiz
