Тошкентнинг «Пахтакор» жамоаси ярим ҳимоячиси Жалолиддин Машарипов тақдирлаш маросимидан сўнг, ўз фикр ва мулоҳазалари билан ўртоқлашди.
Маълумот учун, Жалолиддин Машарипов йил рамзий терма жамоасидан ўрин олди. Қолаверса, Машарипов “Йилнинг энг яхши футболчиси” совринида Элдор Шомуродвга имкониятни бой берди.
Бугунги соврин қандай ҳисларни тақдим этди?
– Очиғини айтсам, мен бунданда кўпроғини кутган эдим. Нима бўлган тақдирда ҳам, кейинг мавсумда ўз устимда ишлаб энг яҳши футболчи номинациясида ғолиб чиқишга ҳаракат қиламан.
Шу кунларда сиз билан Австрия ва Швецария клублари қизиқаётгани борасида миш-мишлар кўпайиб бормоқда. Бу ҳақида тўхталиб ўтсангиз?
– Футболдаги биринчи мақсадим Европага кетиш. Яҳшироқ жамоадан таклиф тушса, ҳеч нарсага қараб ўтирмай янги чақирувларга лаббай деганча кетмоқчиман. «Пахтакор»даги барча эришган ютуқларимни ҳурмат қилган ҳолда шуни айтишим мумкин-ки, менга мос таклиф тушса, албатта кўҳна қитъага йўл оламан.
Трансферингиз борасидаги саволга жавоб бермадингиз?!
- Барчаси янги йилдан сўнг аниқ бўлади. Унга қадар бирор нарса демоқчи эмасман.
Ўзбекистон терма жамоасининг асосий футболчиси сифатида, жамоамизнинг ЖЧга чиқиш имкониятларини қандай баҳолайсиз?
- Имкониятларимиз жуда ҳам яҳши. Айтайлик, бизда ЖЧга чиқишимиз учун имкониятларимиз 70 фоизни таштил этади. Биз қолган 30 фоизининг ўрнини тўлдирамиз ва насиб қилса, мухлисларимиз орзуларини рўёбга чиқарамиз