Londonning "Arsenal" klubi yangi bosh murabbiyi Mikel Arteta yarim himoyachi Granit Jakaning jamoadagi kelajagi haqida fikr bildirdi.
"Men "Manchester Siti" klubiga yordamchi murabbiy bo‘lib kelganimda yarim himoyachi izlaganmiz va mening ro‘yxatimda Jaka ham o‘rin olgandi. U menga shunday yoqqandi va Jaka bilan “Arsenal” shartnoma imzolaganda xursand bo‘lgandim. Chunki u ajoyib futbolchi. Bunday futbolchilarni qo‘yib yuborish yaxshimas. Granitga menga yoqishini va undan nima kutayotganimni aytdim. U jamoamiz uchun juda muhim sanaladi. Men unga yordam berish uchun keldim va uni qo‘llab-quvvatlayotganimizni his qilishini istayman. Nafaqat men, balki butun klubimiz uni qo‘llab-quvvatlaydi", — Artetaning so‘zlaridan iqtibos keltirmoqda The Guardian.